#بہار_قرآن 🌺📗🌺
تیئیسواں پارہ
اس پارے میں چار حصے ہیں:
۱۔ سورۂ یٰس (بقیہ حصہ)
۲۔ سورۂ صافات (مکمل)
۳۔ سورۂ ص (مکمل)
۴۔ سورۂ زمر (ابتدائی حصہ)
🔰 (۱) سورۂ یٰس کے بقیہ حصے میں تین باتیں یہ ہیں:
۱۔ حبیب نجار کا قصہ:
ایک بستی والوں نے اپنے تین انبیاء کو جھٹلایا ، ان کی قوم کا ایک شخص جس کا نام حبیب نجار تھا نے انھیں سمجھانے کی کوشش کی تو انھوں نے اسے شہید کردیا ، جنت میں جاکر بھی اس نے تمنا کی کاش! میری قوم کو معلوم ہوجائے کہ مجھے کیسی نعمتیں ملی ہیں۔
۲۔ اللہ کی قدرت کے دلائل:
1۔ مردہ زمین جسے بارش سے زندہ کردیا جاتا ہے۔
2۔ لیل و نہار اور شمس و قمر کا نظام۔
3۔ کشتیاں اور جہاز جو سمندر میں چلتے ہیں۔
۳۔ قیامت:
1. محشر کی ہولناکیاں ،
2. صور پھونکے جانے کا تذکرہ ،
3. اس دن مجرموں کے مونہوں پر مہر لگادی جائے گی
4. اور ان کے اعضاء ان کے خلاف گواہی دیں گے۔
🔰 (۲) سورۂ صافات میں دو باتیں یہ ہیں:
۱۔ جہنمیوں کا باہم لعن طعن اور جنتیوں کا خوشگوار مکالمہ
۲۔ انبیائے کرام علیہم السلام کے قصے:
1. حضرت نوح علیہ السلام ،
2. حضرت ابراہیم علیہ السلام کی دعوتِ توحید ، انھیں بیٹے کو ذبح کرنے کا حکم اور اس کی تعمیل ،
3. حضرت موسیٰ علیہ السلام اور حضرت ہارون علیہ السلام کا قصہ ،
4. حضرت الیاس علیہ السلام کا قصہ جنھیں شام میں ایک ایسی قوم کی طرف نبی بنا کر بھیجا گیا تھا جو "بعل" نامی بت کی عبادت کرتی تھی،
5. حضرت لوط علیہ السلام کی قوم کی شہوت پرستی کا قصہ ،
6. حضرت یونس علیہ السلام کے مچھلی کے پیٹ میں ہونے کا قصہ۔
🔰 (۳) سورۂ "ص" میں دو باتیں یہ ہیں:
۱۔ توحید
(تمام انسانوں اور موت و حیات کے پورے نظام کے لیے ایک اللہ ہی کافی ہے۔)
۲۔ رسالت
1. نبی کریم حضرت محمد مصطفی (صلی اللہ علیہ وآله سلم) کو تسلی ،
2. قریش کی مذمت ،
3. تسلی کے طور پر حضرت داؤد علیہ السلام کے شکر کا قصہ
4. اور حضرت ایوب علیہ السلام کے صبر کا قصہ
5. اور دیگر انبیائے کرام کے قصے...
🔰 (۴) سورۂ زمر کے ابتدائی حصے میں دو باتیں یہ ہیں:
۱۔ قرآن کی عظمت
۲۔ توحید
1. اللہ تعالیٰ انسان کو ماں کے پیٹ میں تین تاریکیوں میں پیدا فرماتے ہیں۔
2. مشرک کی مثال اس غلام کی سی ہے جس کے کئی آقا ہوں اور موحد کی مثال اس غلام کی سی ہے جس کا ایک ہی آقا ہو۔
💠 *تذکر:*
اس عظیم اور مقدرساز "شب قدر" (شب 23 ماه رمضان) میں ہم سب، یوسف زہرا، منتقم خون حضرت سیدالشہداء، حضرت مہدی امام زمانہ(عجل اللہ تعالی فرجہ الشریف) کے ظہور کی تعجیل کے لئے ضرور دل کی گہرائیوں سے دعا کریں؛
اور اسلام ناب محمدی(ص) کو تمام دشمنوں و ظالوں پر غالب و کامیاب ہونے کے لئے؛ تمام شیعیان و محبان اہل بیت(ع) کے مشکلوں کو دور ہونے کے لئے؛
رہبرمعظم آیت اللہ العظمی خامنہ ای، مراجع عظام و علمای ربانی، حوزات علمیہ اور طلاب کی سلامتی اور کامیابی کے لئے؛
ہم سب کو "دینی اور قرآنی معارف" ، "سنت و سیرت اہل بیت(ع)" ، "علم نافع" ، "عمل صالح" اور "اخلاق حسنہ" سے آراستہ اور برائیوں سے دور ہونے کے لئے؛
آج کی شب قدر میں دعا اور التجا کریں.
اس بابرکت ماہ رمضان اور اس بابرکت شب قدر میں، آپ سے خاص اور خصوصی دعاؤں کا طلبگار ہوں ...
التماس دعا
کوئی تبصرے نہیں:
ایک تبصرہ شائع کریں